संगीत प्रतियोगिताको टिसर्ट सार्वजनिक
एबिसि खबर
भिमराज खोटाङ्ग÷किरात राई कलाकार संघले यलम्बर संगीत प्रतियोगिताको चौथो संस्करणका लागि तयार गरेको टिसर्ट सार्वजनिक गरेको छ । आगामी जेठ २६ गते काठमाडौंमा अन्तिम स्पर्धामा नया किराती कलाकारहरुलाई उतार्न लागेको संघले काठमाडौंमा एक पत्रकार सम्मेलनको आयोजना गरेर टिसर्ट सार्वजनिक गरेको हो ।
कार्यक्रममा संघका संस्थापक अध्यक्ष तथा वर्तमान सल्लाहाकार सदस्य वरिष्ठ गायक तथा संगीतकार जीतेन राईले किरात राईहरुले खेलाउँदै आएको संगीतका बारेमा बताउँदै साकेला संगीतको बारेमा जानकारी दिएका छन् । उनले कला संगीत भन्नु एउटा संवेदनाबाट उठेर सिँगो मानसिकतालाई बदल्न सक्ने शक्तिशाली हतियार भएको बताउँदै अहिले उठिरहेको पहिचानको आन्दोलनमा नया किरात राई कलाकारहरुले दर्विलो भूमिका प्रस्तुत गर्नु पर्ने विचार राखेका छन् । उनले कम्तिमा गीत संगीतको माध्यमबाट किराती राई जातिको इतिहास, संस्कृति, सभ्यताको संरक्षण गर्दै भावि पुस्तालाई यी विषयमा जानकार बनाउन सकिने बताए ।
कार्यक्रममा संगीतको माध्यमबाट हाम्रा संस्कृतिहरुलाई संरक्षण गर्न सकिने भएकाले कार्यक्रमको औचित्य पुर्ण रहने विचारहरु आएको थियो । यो प्रतियोगिताबाट गीत संगीतको माध्यमबाट किराती राई जातिको इतिहास, संस्कृति सभ्यता र समसामयिक विषयहरुलाई उजागर गरेर विश्व मानव समुदायमा पु¥याउने अभियानको रुपमा आयोजकले लिएको छ ।
एकेडेमीमा आयोजित पत्रकार सम्मेलनमा संघका पूर्व अध्यक्ष तथा गायिका पार्वती राई, किरात राई पत्रकार संघका अध्यक्ष भिम राई लगायतको उपस्थिति थियो ।
यसअघि प्रतियोगिताको भाग १, भाग २ र भाग ३ सम्पन्न गरिसकेको छ ।
