घुम्ति शिविर तथा अपाङ्गता सम्वन्धी अभिमुखिकरण कार्यक्रमसम्वन्धी अन्तरक्रिया सम्पन्न
चौतारा
जेष्ठ ६ गते सिन्धुपाल्चोकको चौतारामा, जिल्ला स्वास्थ्य कार्यालय, अपाङ्ग बाल अस्पताल तथा पुनस्र्थापन केन्द्र (एच. आर.डि.सी.) बनेपा काभ्रे र बिभिन्न सरोकारवालाको संयुक्त आयोजनामा शारीरिक अपाङ्गता भएका बालबालिकाहरुको लागि एक दिने घुम्ति शिविर सम्वन्धी अन्तरक्रिया तथा अपाङ्गता सम्वन्धी अभिमुखिकरण कार्यक्रम सम्पन्न भयो ।
अपाङ्ग बाल अस्पताल तथा पुनस्र्थापन केन्द्रको सि.बी.आर.संयोजक नित्रबहादुर देउजाले एच.आर.डि.सी.को कार्यक्रम तथा सेवा र अपाङ्गता सम्वन्धी अभिमुखिकरणको प्रस्तुतीकरण गर्नु भएको थियो ।डा. पोमावती थापा जिल्ला स्वास्थ्य कार्यालयका प्रमुखले कार्यक्रममा स्वागतको साथै औचित्य, महत्ववारेमा प्रष्ट्याउनु भएको थियो ।अन्तरक्रीय कार्यक्रममा डा. थापा, जिल्ला अस्पतालका डाक्टरहरु, कर्मचारीहरुबज्रयोगिनीअपाङ्ग मैत्री सहकारी संस्थाका ब्यबस्थापक एबम लोकप्रीय नेत्रज्योती संञ्चार समुहका कार्यकारी निर्देशक नेत्र बहादुर वस्नेत, चौतारा–सांगाचोक नगरपालिका स्वास्थ्य समिति संयोजक शिवपुरी, एच.आर.डि.सी.का सि.बी.आर. संयोजक नित्र बहादुर देउजा, अनुगमन तथा मूल्याङ्कन अधिकृत भोला धिताल, गणेश भण्डारी लगायत ३५ जनाको उपस्थिति थियो
.उतm कार्यक्रममा स्वास्थ्य शिविर सम्वन्धी सूचना जिल्ला अस्पतालले स्वास्थ्य चौकी मार्फत समुदायसम्मा सम्पेषण गर्ने , जिल्ला स्वास्थ्य कार्यालयले घुम्ति शिविरका लागि आवशयक स्थानहरु उपलब्ध गराउनुका साथै आवश्यक परेमाएक्सरे र ल्याबटेष्ट को लगि निःशुल्क व्यवस्था मिलाउने र जिल्ला स्वास्थ्य कार्यालय, महिला तथा बालबालिकाले अपाङ्गता परिचय–पत्र वितरणको लागि छलफल गर्ने सहमती भयो ।
घुम्ति शिविर २०७५ साल जेष्ठ १९ गते, सिन्धु सदावहार अस्पताल प्रा.ली. खाडीचौर, २० गते जिल्ला अस्पताल चौतार र २१ गते प्राथमिक स्वास्थ्य उपचार केन्द्र मेलम्चीमा हुनेछ ।
