bichar, bichitra, samachar, sindhupalchowk » गुट–उपगुट त्याग्नुपर्ने –डा कोइराला

राम केसी
चौतारा ६ जेठ ÷नेपाली कांग्रेसका केन्द्रीय सदस्य डा शेखर कोइरालाले नेकपा एमाले र माओवादी मीलेर एकै पार्टी बनेकोमा खुशी व्यक्त गर्दै कांग्रेसलाई पा“च वर्षको लागि प्रतिपक्षको भुमिका खेल्न जनताले आदेश दिएको बताउनुभयो ।

सिन्धुपाल्चोकको चौतारा सा“गाचोकगढी नगरपालिकाको कांग्रेस नगर समितिद्वारा आज आयोजित कार्यकर्ता भेलामा राजनीति गर्दा नेताको नैतिकताको अहम भुमिका हुनुपर्ने भन्दै तीन तहको निर्वाचन गराएको जस लिन सक्नेले पराजयको जिम्मा पनि पार्टी हाक्ने सभापतिले लिन सक्नुपर्ने बताउनुभयो । स्थानीय तहको क्षेत्र निर्धारण गर्ने समयमा सभापतिले चासो नदिदा त्यतिबेला नै पार्टी चुकेको भन्दै बाम एकता मिलेर पार्टीले हारेको नेतृत्वको भनाइस“ग आफु सहमत हुन नसकी संगठन कमजोर भएकाले हार  व्यर्होनुपरेको आरोप लगाउनुभयो ।
कार्यक्रममा केन्द्रीय सदस्य चन्द्र भण्डारीले पार्टीका नेता परिवारवाद,आफन्तवाद,कृपावादबाट बाहिर निस्कन नसकेको आरोप लगाउदै सहि व्यक्तिलाई टिकट नदिदा निर्वाचनमा हार भएको बताउनुभयो ।
नेताहरु वृद्ध भइसकेकाले पार्टी चल्न नसक्ने हु“दा युवाशक्तीलाई अगाडी बढाउनुपर्ने तर्क गर्दै नेता भण्डारीले अब पनि वृद्ध नेताहरुले नछाडे अगामी निर्वाचनमा शुन्यता हात पर्ने आशंका व्यक्त गर्नुभयो ।
नगर समितिका सभापति यज्ञप्रसाद दंगालको सभापतित्वमा भएको कार्यक्रममा जिल्ला सभापति विकास लामा,पूर्वसभापति भुपेन्द्रबहादुर थापा, क्षेत्र न २ का प्रदेश सभा सदस्य निमा लामा हेल्मो लगायतका कार्यकर्ताले आफ्नो धारणा राख्नुभएको थियो । रासस