डा. शर्माद्वारा बिरामीलाई एक लाख सहयोग

नोबेल शिक्षण अस्पतालका सञ्चालक एवं समाजसेवी डा. सुनिल शर्माले बिपन्न बिरामीको उपचारका लागि एक लाख आर्थिक सहयोग गर्नुभएको छ । शरीरमा तातोपानी खनिएर घाईते भई उपचारका क्रममा आर्थिक अभाव झेल्दै आएकी बेलवारी–४ काकुम स्थित शान्ति चौककी सुकमाया राईको उपचारका लागि डा.शर्माले सहयोग गर्नुभएको छ ।

गत कात्तिक २३ गते थुक्पा उमालेको तातोपानी फाल्ने क्रममा शरीरमा खनिएर ४७ बर्षीय राई गंभीर घाईते हुनुभएको थियो । अनुहारसहित शरीरका अधिकांस भाग पातोपानीले पोलेर खुईलिएको छ । मरणासन्न अवस्थामा पुगेकी राईलाई उपचारका लागि राजधानी पुर्याईएको छ । न्यून आर्थिक अवस्थाको राई परिवारले शुकमायाको उपचारका लागि खर्चको जोहो गर्न नसक्दा उनको ज्याननै जोखिममा परेको थियो ।
ज्यालामजदुरी गर्दै आएको राई परिवारको पीडा थाहा पाएर डा.शर्माले उहाँको घरैमा पुगी पीडित परिवारलाई आर्थिक सहयोग उपलब्ध गराउनुभएको हो  । डा.शर्मा र उहाँकी आमा होमादेवी न्यौपानेले बिरामी शुकमायाँका ससुरा वीरबहादुर राईलाई रकम हस्तान्तरण गर्नुभएको थियो । रकम हस्तान्तरणपछि बोल्दै डा.शर्माले न्यून आर्थिक अवस्थाका कारण उपचार गर्न नसकेर समस्या झेल्दै आएका बिरामीलाई आफुले सकेको सहयोग गर्न तत्पर रहेको प्रतिक्रिया दिनुभयो । ‘यो क्षेत्रका बिरामीले पैसा अभावकै कारण उपचार गर्न नसकेर मर्नु पर्दैन ।’ डा.शर्माले भन्नुभयो ‘वास्तविक बिपन्न बिरामीलाई उपचारका लागि सक्दो सहयोग गर्नेछु ।’
उपचारका लागि पैसा नभएर चन्दा उठाउँदै गरेको अवस्थामा डा.शर्माको सहयोगका कारण धेरै राहत मिलेको बिरामी शुकमायाँकी सासु भगिरथी राईले बताउनुभयो । ‘हामी गरिवले समस्या पर्दा भगवान पुर्काथ्यौ । तर, सुनिल वावु साच्चै भगवान भएर आउँनुभयो ।’ उहाँले भन्नुभयो ।
डा.शर्माले यसअघि स्तन क्यान्सरबाट पीडित सुन्दरहरैचाकी ३२ बर्षीया नन्दकुमारी मगरको उपचारका लागि एक लाख सहयोग गर्नुभएको थियो । उहाँले हजारौं बिपन्न बिरामीलाई निःशुल्क उपचार गरेर ज्यान बचाउनुभएको छ ।

,
Lokpriyasamachar@. Powered by Blogger.