कानेपोखरीमा नोबेलको निःशुल्क स्वास्थ्य शिविर


विराटनगर, २६ कात्तिक ।लोकप्रियसमचार  ग्रामिण क्षेत्रका बिपन्न बिरामीलाई निःशुल्क उपचार गर्ने उद्धेश्यले सोमबार नोबेल शिक्षण अस्पतालले मोरङको कानेपोखरीमा निःशुल्क स्वास्थ्य शिविर सञ्चालन गरेको छ ।

कानेपोखरी गाउँपालिका–६ रमाईलोमा आयोजना गरिएको शिविरबाट सो क्षेत्र आसपासका करिव ४ सय बिरामी लाभान्वित भएका छन् ।
३ सय ८५ बिरामीको निःशुल्क उपचार गरिएको शिविरबाट २७ जना बिरामी नोबेल अस्पताल रिफर गरिएको अस्पतालका जनसम्पर्क अधिकृत नारायण दाहालले जानकारी दिनुभएको छ । उहाँका अनुसार शिविरमा उपचार सम्भव नभएका बिरामीलाई थप उपचारका लागि अस्पताल रिफर गरिएको हो । शिविरमा ४१ जनाको भिडियो एक्सरे, १० जनाको ईसीजी र २१ जनाको ल्यावटेष्ट गरिएको छ ।
पूर्वी नेपालका बिभिन्न स्थानमा निःशुल्क स्वास्थ्य शिविर सञ्चालन गर्दै आएको नोबेल अस्पतालले आगामी शुक्रवार मोरङको रन्जनीमा शिविर सञ्चालन गर्ने जनाएको छ । नोबेल अस्पताल सञ्चालक डा.सुनिल शर्माले स्वास्थ्य उपचारको सहज पहुँच भन्दा बाहिर रहेका बिपन्न बिरामीलाई गाउँमै पुगेर निःशुल्क उपचारको ब्यवस्था मिलाउँन गाउँ–गाउँमा शिविर सञ्चालन गरिदै आएको बताउँनु भएको छ।

, ,
Lokpriyasamachar@. Powered by Blogger.