भोटेचौरको चिया अमेरिका र जर्मनमा


रुपक पुरी
भोटेचौर जैसिगाउमा २०५२ सालदेखि सुरु  गरियको चिया खेति फस्टायपछि यहाँको  चिया अमेरिका र जर्मनमा निर्यात हुन थालेको छ ।

चिया वगानका सल्लाहकार  सोमप्रसाद गौचनका अनुसार  १सय रोपनिवाट सुरु  गरियको खेति हाल १२ सय रोपनिमा विस्तार भइसकेको छ । वार्षिक सातदेखि १० टनसम्म चिया उत्पादन  हुन्छ  ।
उत्पादित चियाको ५० प्रतिशत गुणस्तरीय  चिया अमेरिका र जर्मनमा निर्यात  हुने र बाकि नेपालकै  वजारमा खपत हुने गरेको छ । अमेरिका र जर्मनमा भने माग अनुसारको निर्यात गर्न  नसकियको गौचन वताउनुहुन्छ । चिया वगानको स्थापनापछि  भोटेचौरका दैनिक २५ स्थानियले रोजगारिको अवसर पायका छन् । रोजगारि पाउनेमा महिला वढि छन् ।
भोटेचौरको केही भागमा लगाइएको चिया खेति छिट्टै  भोटेचौर लगायत हैवुङ , थकनि, तालामाराङ, हेलम्बु हुदै  ज्यामिरेसम्म विस्तार  गर्न  सकेमा चियाको उत्पादनमा वृद्धि  गरि माग अनुसारको आपुर्ति गर्न  सकिने र धेरै  सङ्ख्यामा स्थानीयलाई रोजगारि प्रदान गर्न  सकिने दावि सल्लाहकार  गौचनको छ ।
चिया वगानको विकासमा कुनै  अन्तर्राष्ट्रिय दाता , सङ्घसस्था वा सरकारले सहयोग गरेमा सिन्धुपाल्चोक  पनि चिया खेतिको आधारमा नेपालको दार्जिलिङ  वन्ने चिया वगानका सञ्चालक रामचन्द्र  श्रेष्ठको भनाइ  छ ।
गुणस्तरीय चिया अमेरिका र जर्मनमा निर्यात भयपछि स्थानीयवासि आफ्नै माटोमा उत्पादित चियाको  स्वादिलो स्वादवाट भने वञ्चित  भयका छन् ।

, , , ,