किशोर किशोरीलाई कानुनी प्रशिक्षण
लोकप्रिय समाचार
चौतारा सागाँचोकगढी नगरपालिका भरि बालविवाह न्यूनीकरण गर्नका लागि सञ्चालन गरिएको कानुनी प्रशिक्षण कार्यक्रम हिजो चौतारामा सम्पन्न भएको छ । बालबालिकाको संवैधानिक मौलिक अधिकार बालबालिका सम्बन्धी कानुनमा ऐन २०७५ मा भएको कानुनी व्यवस्था र न्यायिक अधिकार बालविवाह सम्बन्धी कानुनी व्यवस्था समेतको प्रशिक्षण अधिवक्ता भुपेन्द्र थिङले दिनुभएको थियो।
आदिवासी जनजाति महिला उत्थानको कार्यवाहक अध्यक्ष पानमाया तामाङको संयोजकमा रहेको उक्त कार्यक्रम आदिवासी जनजाति महिला महासंघ चौतारा नगर समन्वय समितिका अध्यक्ष शान्ति थिङ तामाङले सञ्चालन गर्नुभएको थियो । यस अघि पनि चौतारा सागाँचोकगढीका विभिन्न वडा र विद्यालयहरुमा समेत बालविवाह न्यूनीकरण सम्बन्धी कार्यक्रम गरि किशोर किशोरीहरुको समूह गठन गरिएको अध्यक्ष पानमाया तामाङ ले जानकारी दिनुभयो
। हिजो भएको न्यूनीकरण सम्बन्धी कानुनी प्रशिक्षण कार्यक्रममा ३५ जना बालबालिकाहरुले प्रशिक्षण पाएका थिए।प्रशिक्षण पाएका बालबालिकाहरुले आफ्नो टोल समाजमा गएर बालहिंसा, बालविवाहबारे सचेत गराउने छन् भन्ने उद्देश्यले सञ्चालन गरिएको हो । उक्त कार्यक्रम आदिवासी जनजाति महिला उत्थान केन्द्रद्वारा सञ्चालित कानुनी व्यवस्थालाई पुर्ण पालना गरौँ, बालविवाह न्यूनीकरण पारोैँ भन्ने अभियानको साथ सञ्चालन गरिएको हो ।
