जिर्ण बन्दै झोलुङ्गे पुलहरु

 रुपक पुरी
लोकप्रिय समाचार
यातायातको विकाससङ्गै सिन्धुपाल्चोकमा रहेका झोलुङ्गे पुलहरुमा मान्छे  हिँड्न छाडेपछि मर्मत समेत नगरिदिदा जिर्ण वन्दै जान थालेका छन् ।

जिल्लाको झ्याडिखोला, तिपेनि, खाल्डेखोला, सहरे खोला, तालामाराङ, सिन्धुखोला लगायत दुई  दर्जन पुलहरु जिर्ण वन्दै गएको तालामाराङका चोकनाथ आचार्यले बताउनुभयो ।
कुनै  समय यातायात र सञ्चारको लागि वरदान सिद्ध यस्ता पुलहरु आधुनिक विकासका साधनले गर्दा ओझेलमा परेको मेलम्चीका गणेश दुलाल बताउनुहुन्छ ।
उहाँको अनुसार आधिकारिक तथ्यांक नभए  पनि जिर्ण भएका यस्ता पुलहरु सिन्धुपाल्चोकमा धेरै  छन् । यातायातका साधन चल्ने ठाउमा झोलुङ्गे पुलहरु प्रयोगविहिन भएपनि अन्यत्र लगे बाढीवाट अनाहकमा ज्यान गुमाउन नपर्ने भएकाले सरोकारवालाले यसमा ध्यान दिनुपर्ने  दुलालको भनाइ  छ ।

, ,