खुल्यो तातोपानी नाका


रूपक पुरी
लोकप्रिय समाचार
अविरल वर्षाले खासा बजार नजिकैको सडक भासिएपछि बन्द भएको तातोपानी नाका शुक्रबारबाट पुनः सुचारू गरिएको छ ।रमिते बजार नजिकै सडक भासिन थालेपछि मर्मत कार्यका लागि नाका बन्द गरिएको थियो ।  नाका बन्द हुँदा दशैँका लागि लोड गरिएको स्याउ, लसुन, रेडिमेड कपडाहरू चिनियाँ भुभागमै अलपत्र  परेका थिए ।

दशैँका लागि नेपालीहरूका लागि आवश्यक ११ सय भेडाच्याङ्ग्रा शुक्रबार नेपाल भित्रिएपछि नाका पुनः सुचारू भएको  हो । नाका खुलेसँगै ७० कन्टेनर चिन प्रवेश गरेका छन् । यस अघि तातोपानी नाका सञ्चालन भएको २ महिनामै सुख्खा वन्दरगाह भन्सार कार्यालयले १० करोड राजश्व संकलन गरेको छ ।
भन्सार अधिकृत केशवराज ओलिका अनुसार साउन र भदौ महिनामा १० करोड राजश्व संकलन भएको हो। २०७२ साल वैशाख १२ गते गएको विनाशकारी भुकम्पले चार वर्ष नाका बन्द भएको  थियो । नाका बन्द हुनु भन्दा अघि एक आर्थिक वर्षमा ५ अर्व राजश्व संकलन हुँदै आएको थियोे  । चिनबाट नेपाल स्याउ, ईलेक्ट्रोनिक्स सामान, तयारी कपडा बढि मात्रामा भित्रिने गर्दछ ।

,