घाइते पोथी रतुवामृग फेला, कार्यालयमा उपचार हुँदै
सुस्मिता दोङ
लोकप्रिय समाचार
सिन्धुपाल्चोक जिल्लामा गर्भ अवस्थामा रहेको एक घाइते मृग फेला परेको छ । इलाका प्रहरी कार्यालय बाह्रबिसे का सुरक्षाकर्मीहरु गस्ति गर्दै जाने क्रममा मिती आइतबार अरनिको राजमार्गको बलेफी गा.पा.वडा नं– ५ कोठे भन्ने ठाउँमा उक्त मृग फेला परेको हो ।
राजमार्गबाट करिव ५० मिटर माथि वन क्षेत्रमा अवैध शिकार गर्ने उदेश्यले तारको पासो लगाएको अवस्थामा गस्ति टोलीले भेटी सो पासो लागेको मृगलाई उद्धार गरी इलाका प्रहरी कार्यालय बाह्रबिसेमा सुरक्षाका साथ राखि सव डिभिजन वन कार्यालय बाह्रबिसेलाई बुझाइएको जिल्ला प्रहरी कार्यालयका सूचना अधिकारी प्रहरी नायब उपरिक्षक माधब काफ्लेले बताउनु भयो ।
उँहाका अनुसार बाह्रबिसेको वन कर्मचारीले बुझिलिएर डिभिजन वन कार्यलय सिन्धुपाल्चोक चौतारामा बुझाएको छ । घाइते मृग तारको जालीमा परेर घाटीमा सुन्निएको र खुट्टामा समेत घाउ लागेको डिभिजन वन कार्यालयले जनाएको छ । घाइते मृगलाई पशु सेवा कार्यालयको सहयोगमा आवश्यक उपचार गरी डिभिजन वन कार्यालयको केज (अस्थायी आश्रयस्थल) मा राखिएको डिभिजनल वन अधिकृत श्री देवीचन्द्र पोखरेलले बताउनु भयो । यसरी उद्धार गरिएको रतुवा जातको मृग एउटा प्राकृतिको सुहाउँदो जङ्गली जनावरको रुपमा रहेतापनि यो एउटा स्थलीय प्राणीको रुपमा चिनिने र वन तथा वातावरणको दृष्ट्रिकोणले संरक्षण गर्नु पर्ने जनावर भएकोले यो प्राकृतिको वरदान ९न्षत या त्जभ लबतगभच० लाई उद्दार गर्ने सुरक्षाकर्मीहरु र वनका सुरक्षाकर्मीहरु डिभिजन वन कार्यालयले धन्यवाद समेत दिएको छ। वन्यजन्तुको संरक्षण गर्नु हामी सबैको कर्तव्य भएकाले सबै स्थानीय वासिन्दाहरु र प्रकृति प्रेमीजनहरु एकजुट भएर यसको संरक्षणमा लाग्नु आजको टडकारो आवश्यकता भएको छ । घाइते मृगको उपचार पश्चात जहाँबाट उद्धार गरिएको हो सो स्थानमा नै लगेर छाडिने अधिकृत पोखरेलले बताउनु भयो ।
