सबै समस्याको समाधान शिक्षा होः सापकोटा

लोकप्रिय समाचार
संघीय प्रतिनिधि सभा सदस्य एवम् पुर्व मन्त्री माननीय अग्नी प्रसाद सापकोटाले सबै खाले समस्याको समाधान गर्न शिक्षाको आवश्यकता पर्ने बताउनु भएको छ । 

उहाँले जससँग शिक्षाको कमी छ, त्यसले कुनै पनि समस्याको समाधान गर्न सक्दैन भन्नु हुँदै शिक्षाको विकास नै देश र जनताको विकास हो भन्नु भयो। श्री गोल्मादेवी माध्यमिक विद्यालयको भवन हस्तानन्तरण कार्यक्रमको उद्धघाटन गर्दै उँहाले यस्तो बताउनु भएको हो ।  चौतारा साँगाचोकगढी नगरपालिका वडा नं ९ जितपुरमा अवस्थित उक्त विद्यालयको नवनिर्मित भवन उद्धघाटन तथा हस्तान्तरण कार्यक्रममा बोल्दै सापकोटाले शिक्षा नै सबै समस्याको समाधान गर्ने र देशको समृद्धि गर्ने मुख्य हतियार हो भन्नु भयो । उँहाले भौतिक मात्र राम्रो भएर हुँदैन, शैक्षिक पनी राम्रो हुन पर्ने बताउँदै गुणस्तरिय शिक्षाका लागी आजको समयमा विज्ञान र प्रविधिको उपयोगमा वृद्धि गर्नुपर्नेमा  जोड दिनु भयो ।
कार्यक्रममा बोल्दै विशेष अतिथी प्रदेश सभा सदस्य सरेश नेपालले वर्तमान सरकारले शिक्षा नितीलाई स्थानीय तहसम्म लगेर स्थानीय तहमा गुणस्तरिय शिक्षा सिकाइका लागी विशेष प्रोत्साहन दिइरहेको बताउनु भयो । उँहाले सामुदायिक विद्यालयमा लामो समय देखी थोरै तलबमा काम गरिरहेका शिक्षकलाई पनि श्रम ऐन अनुसार परिश्रमिक लिन सरकारले निती ल्याएको बताउनु भयो ।
उँहाले हरेक विद्यालयमा दिवा खाजाको लागी स्थानीय स्तरमा नै उत्पादन भएका खाद्यान्न प्रयोग गरेर स्थानीय श्रोत र साधनको परिचालन गर्न पर्ने बताउनु भयो। अर्का विशेष अतिथी चौतारा साँगाचोकगढी नगरपालिकाका प्रमुख अमान सिं तामाङले चौतारा साँँगाचोकगढी नगरपालिकाले गुणस्तरिय शिक्षाका लागी कुनेै पनि कसुर बाँकी नराखेको बताउँदै शिक्षकहरुलाई परेको समस्याका बारेमा आफुले समस्या समाधानका लागी हरेक काम गरेको बताउनु भयो ।
उँहाले चार चार महिनामा दिने तलबलाई अरु कर्मचारी सरह हरेक महिनामा पाउने व्यवस्था गरेको बताउँदै आफुले पढाएका विद्यार्थीहरु सकेसम्म माथिल्लो स्तरमा पुगोस् भन्ने चाहनाका साथ गुणस्तरिय शिक्षाको व्यवस्था गर्न अनुरोध गर्नु भयो ।

, ,