सिन्धुपाल्चोकले मनायो ३२औँ एड्स दिवस
लोकप्रिय समाचार
३२ औ विश्व एड्स दिवसको अवसर पारेर स्वास्थ्य कार्यालय सिन्धुपाल्चोकलेआइतबार पत्रकार भेटघाट कार्यक्रम गरेको छ । जिल्ला समन्वय समितिका प्रमुख जिल्ला एड्स सम्मन्वय समितिका संयोजक कृष्ण गोपाल तामाङ्गको अध्यक्षतामा कार्यक्रम भएको हो । कार्यक्रममा स्वास्थ्य कार्यालयका प्रमुख तथा जनस्वाास्थ्य प्रमुख दुर्गादत्त चापागाईले एचआई भी रोकथाममा समुदायिक प्रभावकारी भुमिका विषयमा प्रकाश पार्नु भएको थियो ।
उँहाले हाल सम्म नेपालमा १९८८ मा देखा परेको यो रोगले २९९४४ रोगी भएकोमा अनुमानित २१ हजार हाराहारिमा रहेको जानकारी गराउनु भयो । सिन्धुपाल्चोकमा मात्र ४८ जना एचआईभी सङ्क्रमितक रहेका जानकारी समेत उहाँले सो अवसरमा जानकारी दिनु भयो । जिससका प्रमुख कृष्ण गोपाल तामाङ्गले पहँुच पुग्न नसक्ने ठाँउका मानीसहरु ,आफु खुलेर भन्न नसक्ने समुदायमा यस्ता रोग रहन सक्ने भएकाले यस्ता समुदायमा यस्ता सङ्क्रमणको बारेमा त्यो स्तरमा पुर्याउन सञ्चारकर्मीले भुमिका खेल्न पर्ने बताउनु भयो । यस अघि विश्व एड्स दिवसकै अवसर पारेर बिहान आठ बजे चौतारा साँगाचोकगढी नगरपालिका वडा ५ को कार्यालयबाट सचेतना ¥यालि गरिएको थियो ।
जिल्ला समन्वय समितिका उपप्रमुख बालकुमारी सापकोटाको प्रमुख अतिथ्यतामा भएको ¥यालिमा जिल्ला प्रहरी कार्यालयका प्रमुख प्रहरी उपिरक्षक प्रज्वल महर्जन, सहायक प्रमुख जिल्ला अधिकारी भिमकान्त शर्मा पौड्याल, बिभिन्न सरकारी तथा गैरसरकारी संस्थाका प्रतिनिधी लगायत सर्वसाधारणहरुको उपस्थिती रहेको थियो । कार्यक्रममा स्वास्थ्य प्रमुख दुर्गादत्त चापागाईंले कार्यक्रमको महत्वबारे जानकारी गराउँदै यो दिवस एक दिन मनाउँदैमा नहुने यसका बारेमा सबै दिन सबै क्षेत्रका मानिसहरुले एड्सका बारेमा जानकारी दिन र लिन पर्ने बताउनु भयो । ¥यालीपछि भएको कोणसभामा जिल्ला समन्वयको उपप्रमुख सापकोटाले यस्ता खालका चेतनामूलक कार्यक्रम हरेक पालिका र वडामा हुनुपर्ने बताउनु भयो । उहाँले हरेक गाउँ र दुर्गम क्षेत्रमा रहेका शिक्षाको पहुँचबाट टाढा भएका नागरिकहरुलाई समेत यस सवषयमा जानकारी गराउन सके यो कार्यक्रमको अझ बढी प्रभावकारीता हुने बताउनु भयो ।
