नेस्ले इन्डियाद्वारा नेपालमा सर्भ सेफ फूड प्रोजेक्ट सुरु

लोकप्रिय समाचार
नेस्ले इन्डियाले नेपाल खाद्य प्रविधि तथा गुणस्तर नियन्त्रण विभाग, नेपाल पर्यटन बोर्ड र नेशनल एसोसिएसन अफ स्ट्रीट भेन्डर अफ इन्डियाको सहकार्यमा नेपालमा सर्भ सेफ फूड प्रोजेक्ट शुरु गरेको छ । यो प्रोजेक्ट अन्तर्गत नेपालमा खाद्य सुरक्षा र स्वच्छता सम्बन्धी करिब ५०० स्ट्रीट फूड विक्रेताहरुलाई तालिम दिइनेछ । यो परियोजनालाई सर्वप्रथम भारतमा सन् २०१६ मा संचालनमा गरिएको थियो जहाँ ४ वर्षको अवधिमा २० हजार स्ट्रीट फूड विक्रेताहरुलाई १७ वटा स्थानहरुमा तालिम दिइएको थियो । सो अवसरमा बोल्दै नेपाल खाद्य प्रविधि र गुणस्तर नियन्त्रण विभागकी महानिर्देशक डा. माटीना जोशी भन्नुहुँदै सफा, सुरक्षित र स्वच्छ खाना मानिसहरुका लागि निकै महत्वपूर्ण छ । हाम्रा स्ट्रीट फूड विक्रेताहरुले उपभोक्ताहरुलाई सुरक्षित खाना वितरण गर्न महत्वपूर्ण भूमिका निर्वाह गर्छन् । त्यसकारण ज्ञान र सीपका साथ स्ट्रीट फूड विक्रेताहरुलाई सशक्तिकरण गरे खाद्य सुरक्षाको प्रतिबद्धतामा लामो यात्रा तय गर्नेछौं । भन्नुभयो ।



कार्यक्रममा नेपाल पर्यटन बोर्डका प्रमुख कार्यकारी अधिकृत दीपक जोशीले नेपाल एक लोकप्रिय पर्यटन गन्तव्य हो र स्ट्रीट फूड वितरण स्थानीयहरुका लागि रोजगारीको एक महत्वपूर्ण श्रोत हो। यस क्षेत्रमा पर्यटक प्रबद्र्धनका लागि संस्कृति, पर्यटन र नागरिक उड्डयन मन्त्रालयले आयोजना गरेको नेपाल भ्रमण वर्ष २०२० को परिप्रेक्षमा नेस्ले इन्डियाले स्ट्रीट फूड विक्रेताहरुको क्षमता वृद्धिका लागि गरेको पहल एकदम महत्वपूर्ण भएको बताउनु भयो । उहाँले सर्भ सेफ फूड परियोजनाले नेपालको खाद्यान्न सुरक्षा पूर्वाधारको विकास र सुद्ढढीकरणमा सहयोग पुर्याउने विश्वास व्यक्त गर्नुभयो । कार्यक्रममा नेपाल पर्यटन बोर्डका वरिष्ठ निर्देशक श्री हिकमत सिंहले स्ट्रीट फूड विक्रेताहरुलाई निपूर्ण बनाउने महत्वपूर्ण पहल हामी नेपालमा शुरु गरिरहेका छौं । यसले स्ट्रीट फूड विक्रेताहरुलाई खाद्य सुरक्षा र स्वच्छताको बारेमा सिक्न सक्षम बनाउछ । नेस्ले इन्डियाले नेपालमा सर्भ सेफ फूड प्रोजेक्ट शुरु गरिरहँदा हामी निकै उत्साहित छौं । भन्नुभयो ।नेस्ले इन्डियाका कर्पोरेट अफेयर्सका निर्देशक श्री सञ्जय खजुरियाले सो अवसरमा नेस्लेको गुणस्तर जीवनको वृद्धि र स्वस्थ भविष्यका लागि योगदान पुर्याउने उद्देश्यका साथ नेपाल खाद्य प्रविधि र गुणस्तर नियन्त्रण विभाग, नेपाल पर्यटन बोर्ड र नेशनल एसोसिएसन अफ स्ट्रीट भेन्डर अफ इन्डियाको सहकार्यमा सर्भ सेफ फूड परियोजना शुरु गर्न पाउँदा हामी निकै खुशी छौं भन्नुहुँदै प्रशिक्षण कार्यक्रमहरुले सकारात्मक व्यवहार परिवर्तन ल्याउनुका साथै स्ट्रीट फूड विक्रेताहरुलाई खाद्य सुरक्षा र खाद्य स्वच्छतालाई गम्भीर रुपमा लिन प्रत्सोहान गरेको बताउनुभयो उहाँले सफा र सुरक्षित खानाले अधिक ग्राहकहरु ल्याउँछ, विक्रेताहरुको जीविका सुधार गर्छ साथै विक्रेताहरुको व्यवसायप्रति आत्मविश्वास बढाउन सहयोग गर्दछ। म आशावादी छु कि सर्भ सेफ फूड प्रोजेक्टले नेपालमा विक्रेता समुदायको क्षमता निर्माणमा महत्वपूर्ण भूमिका खेल्ने स्पष्ट पार्नुभयो ।नास्भीकी स्ट्रीट फूड प्रोगामकी प्रमुख सुश्री संगीता सिंहले सुरक्षित, स्वस्थ र स्वच्छ खाद्यको बारेमा चेतना बढाउनु प्रमुख महत्व हो । हामीले प्रशिक्षण सामाग्री विकास गरेका छौं जसले स्ट्रीट फूड विक्रेताहरुलाई खाद्य सुरक्षामा सुधार गर्न सुसज्जित गर्नेछ। यो महत्वपूर्ण उद्देश्य हासिल गर्न सम्पूर्ण सरोकारवालहरुसँग साझेदारीका लागि हामी उत्साहित छौं, भन्नुभयो। प्रोजेक्ट सर्भ सेफ फूड स्ट्रीट फूड विक्रेताहरुलाई स्वस्थ, स्वच्छ, सुरक्षित खाना ह्यान्डलिंग, फोहोर व्यवस्थापन र उद्यमशीलता शिक्षा र प्रशिक्षणमा केन्द्रित रहेको थियो । यी तालिमहरुले स्ट्रीट फूड विक्रेताहरुलाई डिस्पोजेबल ग्लोभ प्रयोग गर्ने र व्यक्तिगत सरसफाईमा ध्यान राख्न सिकाउछ जसले खाद्यजन्य रोगहरुबाट संरक्षण गर्ने आयोजकले बताएका छन् ।