जुगल बोडिङ हाई स्कुलले मनायो ३०औँ वार्षिक उत्सव
लोकप्रिय समाचार
समायनुकुल शिक्षा सिकाइ गर्न सके मात्र विद्यार्थीहरुले गुणस्तरीय शिक्षा पाउने चौतारा साँगाचोकगढी नगरपालिकाका प्रमुख अमानसिं तामाङ्गले बताउनु भएको छ । सिन्धुपाल्चोक जिल्लाको सदरमुकाम चौतारामा रहेको जिल्लाकै पहिचान बोकेको जुगल बोर्डिङ्ग हाइस्कुलको वार्षिक उत्सव समारोहको उद्धाटन गर्दै प्रमुख तामाङ्गले उक्त कुरा बताउनु भएको हो । स्कुलको ३०औँ वार्षिक उत्सव तथा अभिभावक भेलाको उद्धाटन गर्दै तामाङ्गले निजी विद्यालयले यसरी सिक्षा सिकाइमा गरेको उपलब्धीका कारण आफुलाई खुशी लागेको बताउँदै विद्यालयका काम भनेको राजनीति गर्ने नभइ गुणस्तरिय शिक्षा प्रदान गरी योग्य र अनुशासित नागरिक उत्पादन गर्नु रहेकोले यसतर्फ विद्यालयहरुले ध्यान दिनुपर्ने बताउनु भयो । उहाँले शिक्षा पेसामा कार्यरत शिक्षकहरुको समस्यालाई मध्यनजर गर्दै आफ्नो नगरपालिकाभित्र कार्यरत शिक्षकहरुलाई मासिक रुपमा तलबको व्यवस्था गरेको समेत स्पष्ट पार्नुभयो।
उहाँले नगरपालिकाभित्र रहेका सबै विद्यालय र शिक्षकहरु आफ्नो लागि बराबर रहेकोले सबैलाई समान व्यवहार गर्ने र योग्य तथा गुणस्तरीय शिक्षा प्रदान गर्ने विद्यालयलाई आफूले प्रोत्साहन गर्ने बताउनु भयो । कार्यक्रमको विशेष अतिथी वडा नं ५ का वडाध्यक्ष नरमान श्रेष्ठले सामाजिक शिक्षा विकासको लागि नगरपालिकाभित्र रहेका शैक्षिक संस्थाहरुले खेलेको भूमिकाको प्रशंसा गर्दै हरेक शिक्षकले गरणस्तरीय शिक्षा प्रदान गर्नु आफ्नो पहिलो दायित्व र कर्तव्य रहेकोले कर्तव्य र खायित्व पूरा गर्न अनुरोध गर्नुभयो । कार्यक्रममा शिक्षाविद्, शैक्षिक अभियन्ता, सामाजिक अगुवा, शिक्षकसमेत रहनु भएका यज्ञप्रसाद दंगाल, साहित्यकार जीवन श्रेष्ठ लगायतलाई सम्मान गरिएको थियो । दंगाललाई जुगल शिक्षा र श्रेष्ठलाई जुगल साहित्यक सम्मान गरिएको हो । जिललाकै जेठो संस्थापन विद्यालय जुगल बोडिङ हाइस्कुलको ३०औँ वार्षिक उत्सव समारोह प्याब्सन केन्द्रिय उप महासचिव तथा जुगल बोडिङ हाइस्कुलका अध्यक्ष आर.बि. कटुवाल को सभापतित्वमा भएको हो । हाल ४७५ जना विद्यार्थी रहेको जिल्लाकै पहिचान बोकेको जुगल बोर्डिङ्ग हाइस्कुलको वार्षिक उत्सव कार्यक्रम दिपक उप्रेतीले सञ्चालन गर्नु भएको थियो भने उक्त कार्यक्रमको स्वागत मन्तव्य पुकार उप्रेतीले राख्नु भएको थियो ।
स्वागत मन्तव्य राख्दै उप्रेतीले जिल्लाको सदरमुकाम चौतारामा रहेको यो स्कुलले राम्रा राम्रा काम गरेर अगाडि बढ्दा जिल्लाको पहिचान राम्रो हुने भएकाले हामी त्यसतर्फ पनि ध्यान दिएर काम गरिरहेको बताउँदै उपस्थित सबैमा विशेष धन्यवाद व्यक्त गर्नु भयो । चौतारा साँगाचोकगढी नगरपालिकाका प्रमुख अमानसिं तामाङ्गको प्रमुख आतिथ्यतामा भएको कार्यक्रममा स्कुलका विद्यार्थीको प्रयोगात्मक सिकाइको समेत प्रदर्शनी गरिएको थियो । उक्त प्रदर्शनीका कारण विद्यालयले पुस्तक मात्र नभई वैज्ञानिक तवरले समयानूकुल प्रयोगात्मक शिक्षा सिकाई गरिएको अभिभावकहरुले जनाएका थिए । प्रमुख अतिथी तामाङ्गले पानसमा बत्ती बालेर कार्यक्रमको समुद्घाटन गर्नु भएको थियो । कार्यक्रममा प्याब्सनका अध्यक्ष दुर्गा थापा, केन्द्रिय सदस्य कर्म वाङ्देल, सहसचिव प्रदेश ३ प्रदेश समिति तथा प्रमुख सल्लाहकार ऋषिराम नेपाल, सल्लाहकार एरोन लाप्चा, मनोज सिं, कोषध्यक्ष मनोज सापकोटा, सहसचिव बुद्धि आचार्य, नेपाल पत्रकार महासंघका सचिव दिनेश थापा, कोषध्यक्ष विदुर गिरी, शब्द सारथीका अमित घिमिरे लगायतका प्रतिष्ठित व्यक्तिहरुको विशेष आतिथ्यतामा समारोह सम्पन्न भएको थियो । कार्यक्रममा विद्यार्थीहरुले मनोरञ्जनात्मक कार्यक्रम प्रस्तुत गरेको थिए । विद्यालयका प्रिन्सिपल ओम उप्रेतीले विद्यालयको स्थितिबारे जानकारी गराउँदै विद्यालयले प्रदान गर्दै आएको गरणस्तरीय शिक्षालाई अझ प्रभावकारी ढंगले अगाडि बढाउने बताउनु भएको थियो ।
