स्कूल बन्यो अब पढाइ बनाउनुहोस्ः पूर्वप्रम नेपाल

लोकप्रिय समाचार
भूकम्पले ध्वस्त काठमाडौं शंखरापुर–२ स्थित शारदा माविले अत्याधुनिक भवन पाएको छ । पूर्व प्रधानमन्त्री माधवकुमार नेपालले बिहिवार विद्यालयलाई पुनर्निमित अत्याधुनिक भवन हस्तान्तरण गर्नुभएको  हो । भूकम्पले भवन भत्काएपछि अस्थायी टहरामा पठनपाठन गर्दै आएको विद्यालयको भवन जिल्ला आयोजना कार्यान्वयन इकाई (शिक्षा)काठमाडौंले पुनर्निर्माण गरिदिएको हो ।

एसियाली विकास बैंकको ऋण सहयोगमा ४ करोड १२ लाख लागतमा २ वर्षमा निर्मित २२ कोठे अत्याधुनिक भवन विद्यालयलाई हस्तान्तरण गरिएको हो । यो भवनसँगै एसियाली विकास बैंकको ऋण सहयोगमा काठमाडौंमा बन्नुपर्ने ११ वटै भवनको निर्माण सम्पन्न भएको छ । विद्यालयलाई नयाँ भवन हस्तान्तरण गर्दै पूर्व प्रधानमन्त्री माधवकुमार नेपालले पुनर्निर्मित भवनमा विद्यार्थी भरेर उनीहरुलाई टिकाउने र सिकाउने जिम्मा विद्यालयको भएको बताउनुभयो। विद्यालयको भवनमात्रै ठूलो तर, कक्षाकोठा खाली नहोस्, नेपालले भने– जसरी नयाँ भवनमा कुनै खोट छैन त्यसरी नै विद्यार्थी संख्या र शिक्षण सिकाइमा पनि कुनै खोट हुनु भएन। सरकारले विद्यालय भवन, शिक्षक दरबन्दी, पाठ्यपुस्तक, तालिम, छात्रवृृत्ति दिइरहेको  बाँकी पृष्ठ ४ माअवस्थामा अब सामुदायिक विद्यालयहरुले विद्यालय बाहिर रहेका बालबालिकालाई विद्यालयमा ल्याएर टिकाउँदै सिकाउँदै तह पार गर्नुपर्नेमा उहाँले जोड दिनुभयो  ।
बालबालिकालाई किताबको घोकन्ते सिकाइभन्दा माथिल्लो स्तरको जीवनउपयोगी सीप र प्राविधियुक्त सिकाइ दिन आग्रह गर्दै पूर्वप्रधानमन्त्री नेपालले सिकाइलाई खेलकुद, गीतनृत्य र स्विमिङसँग जोड्नुपर्ने बताउनुभयो। स्कूल बन्यो अब पढाइ बनाउनुस् नेपालले भन्नुभयो, बालबालिकालाई कान समातेर होइन माया गरेर सिकाउनुस् । आगामी दिनमा शिक्षकले पढाएको अनुगमन गर्न सुटुक्क कक्षाकोठामा आउने उद्घोष गर्दै उहाँले बालबालिकालाई स्कूल आउँ–आउँ लाग्ने बनाउन आग्रह गर्नुभयो। विद्यालयलाई प्रविधियुक्त सिकाइका लागि सहयोग गर्ने उनले प्रतिबद्धता समेत जनाउनुभयो ।
जिल्ला आयोजना कार्यान्वयन इकाई (शिक्षा) काठमाडौंका प्रमुख अर्जुन रायमाझीले नयाँ बनेको विद्यालय भवनमा विद्यार्थी भर्न र गुणस्तरीय शिक्षा दिन स्थानीय सरकार र विद्यालयसँग आग्रह गर्नुभयो। नयाँ भवनको संरक्षण र सुरक्षालाई ध्यान दिन आग्रह गर्दै रायमाझीले विद्यार्थी आकर्षित हुनेगरी सिकाइ सुधार्न शिक्षकहरुसँग आग्रह गर्नुभयो । विद्यालयका प्रधानाध्यापक मानबहादुर तामाङले नयाँ भवनमा नयाँ शिक्षा दिने प्रतिबद्धता जनाउनुभयो । भवन नहुँदा यसकै मात्र चिन्ता, अब सिकाइ सुधारको चिन्ता मात्रै बाँकी रहेको भन्दै उहाँले प्रविधियुक्त सिकाइमा सहयोग गर्न सरोकारवालाहरुसँग आग्रह गर्नुभयो ।

, ,