बतासेका सेनानी थापाको निधन
लोकप्रिय समाचार
सिन्धुपाल्चोक जिल्ला चौतारा साँगाचोकगढी नगरपालिका वडा न २ निवासी सामाजिक अभियन्ता दोश्रो विश्वयुद्धका सेनानी गेद बहादुर थापाको निधन भएको छ । दोश्रो विश्वयुद्धमा लडाई लडे वापत अब्दल सेनानीको उपाधि पाउनका साथेै देशका ५८ जना मध्य उहाँ पनि गोरखा दक्षिण बाहु पाउनु हुने मध्ये एक हुनुहुन्छ । उहाँको बिहिबार बिहान आफ्नै निवासमा निधन भएको हो । उहाँको एक श्रीमती भिमकुमारी थापा र कान्छा छोरा लालबहादुर थापा सहित ८० जना भन्दा बढि परिबार रहेका छन् ।
१९८५ चैत्र २१ गते जन्मनु भएका थापा को २०७६ साल फागुन ८ गते निधन भएको हो । उहाँले १९३९ देखि १९४५ साल सम्म दोश्रो बिश्वयुद्दमा लडाई लड्दा लाखौंको ज्यान गएको भयता पनि उहाँले गोरखा सैनिकको तर्फबाट जापानसँग युद्ध लड्न सफल हुनु भएको थियो । सिन्धुपाल्चोक बासीलाई गुठीको समस्याबाट मुक्ति दिलाउनका लागि गुठि सङ्घर्ष समिति समेत निर्माण गरि सङ्घर्ष समितिमा रहेर काम गर्दै सामाजिक काममा लागि पर्नु भयो । उहाँको अगुवाईमा भएको विकासका कामहरुले बतासे बासीहरुलाई खानेपानी तथा बाटो घाटोको समस्या बाट मुक्त गराउने कार्यले गर्दा हाल भएको राजनिती परिवर्तनमा पनि उहाँकै नाति दिपेन्द्र थापालाई वडाअध्यक्ष बनाएका छन् ।
हाल वडा अध्यक्ष रहनु भएका दिपेन्द्र थापा सहित उहाँका ८० भन्दा बढी नातानातिना रहेका छन् । उहाँका तीन छोरा मध्ये जेठा सोभित बहादुर थापा, माईला हरिबहादुर थापा यस अघि नै स्वर्गीय भई सक्नु भएको छ भने कान्छा छोरा लालबहादुर थापा हुनुहुन्छ । स्वर्गीय गेद बहादुर थापाको विवाह २००४ सालमा भिमकुमारी थापा सँग भएको थियो । २०१७ सालदेखि लगातार २६ बर्ष सम्म तत्कालिन पञ्चायत व्यवस्थामा प्रधान पञ्चको जिम्मेवारीमा रहेर काम गरे वापत देश भरिका ५८ जनालाई सरकारले गोरखा दक्षिण बाहुद्वारा सम्मान गरेको थियो । सिन्धुपाल्चोकबाट उहाँले लगातार २०१७ साल देखि २०४३ साल सम्म प्रधान पञ्चमा चुनाव जितेर जनताको सेवा गरेवापत गोरखा दक्षिण बाहु पाएको चौतारा साँगाचोकगढी नगरपालिकाका वडा अध्यक्ष दिपेन्द्र थापाले बताउनु भयो ।
