समाचार, सिन्धुपाल्चोक » पर्यटकिय सम्भावना र भक्तजनहरुको आस्था बोकेको छिपुकामाई देवि मन्दिर

दिपक थापा
लोकप्रिय समाचार
सिन्धुपाल्चोक जिल्लाको सदरमुकाम चौतारा नजिकै रहेको चौतारा साँगाचोकढी नगरपालिका–३, भलायखर्कमा अवस्थित करिब ३ रोपनी ३ आना जग्गामा फैलिएको श्री छिपुकामाई देवि मन्दिर मिति २०७६ साल मंसिर १ गते सिलान्यास भई २०७६ साल माघ २९ गते चौतारा साँगाचोकगढी नगरपालिकाका मेयर श्री अमानसीं तामाङज्यूले उद्घाटन गर्नु भएको थियो ।

युद्धस्तरमा कार्यसम्पन्न गरीएको यस मन्दिरले भलायखर्कको मात्र नभई चौतारा साँगाचोकगढी नगरपालिकाको नै पहिचान बनाउन सफल हुनेछ भन्नेमा सबै गाउँबासीहरु विश्वस्त छन् । करिब २३ लाखको लगानी तथा सबै गाउँबासीको करीब १०÷१० दिनको श्रमदानबाट निर्मीत यस मन्दिरमा गाउँघर तथा काठमाण्डौ र विदेशमा बस्ने गाउँले दाजुभाईहरुले कम्तिमा १ं०,०००।– वा सो भन्दा बढि जति सकिन्छ पैसा उठाई करीब १५ लाख र सहयोग रसिद मार्फत २ लाख संकलन गरीएको थियोे । चौतारा साँगाचोकगढी नगरपालिका र यसै वडाको क्रमशः ३ लाख, २ लाखको लगानी रहेको यस मन्दिरमा २ वटा साना मन्दिर सहित एउटा छिपुकामाई देवि मन्दिर निर्मित छ । स्वस्थानी पुर्णीमाको अघिल्लो रात लाग्ने भलायखर्क देविथान जात्रा उर्फ “धोक्रे जात्रा” मा यस नगरपालिका वरीपरिको ठाउँहरुको भक्तजनले भरीभराउ हुने गर्दछन ।
आजकाल चौतारा साँगाचोकगढी नगरपालिकामा “सानो गौरती” उपनामले चिनीएको यस मन्दिरले करिब १८ औँ शताब्दिमा बेत्रावती (कुविण्डें) खोलाबाट ल्याईएको करिब ८ फिट लामो ५०० केजि बराबर तौल र २० औं शताब्दिको अन्त्य तिर ल्याइएको करिब ६.५ फिट लामो २५० केजि बराबर तौलको न्चबलमउबबुक एष्ििबच “बाजेको खम्बा”  नामले परिचित ढुंगे पोलहरुले यस मन्दिरलाई अझै पुरातात्विक झझल्को दिएको छ ।
गाउँघरमा भैपरि आउने जैविक विपत्ति तथा आस्थिक बिमारीहरुलाई समेत निको बनाउने आस्था बोकिएको यस मन्दिरमा स्वच्छ खानेपानी तथा भोज भतेरको लागी तयार पारिएको एक मन्दिर संगैको तल्लो चौरमा बनभोजको लागी समेत उपयुक्त ठाउँको प्रबन्ध भएको छ ।
पर्यटन वर्ष २०२० लाई सफल बनाउन आ–आफ्नो ठाउँबाट लाग्नुपर्ने कुरा बताउँदै चौतारा–भलायखर्क–गैरीगाउँ सडकखण्डको ७ कि.मि. दुरी पारगर्दा पुगिने भलायखर्क गाउँमा रहेको यस मन्दिरले आन्तरीक तथा बाह्य पर्यटकलाई समेत लोभ्याउनेमा दुईमत नरहेको कुरा यसै वडाका वडा अध्यक्ष टेक बहादुर तामाङ बताउनुहुन्छ ।