महासंघको पाँचौ अधिवेशन सम्पन्न
लोकप्रिय समाचार
नेपाल घरेलु तथा साना उद्योग महासंघ, जिल्ला शाखा, सिन्धुपाल्चोकको पाँचौ जिल्ला अधिवेशन तथा महिला उद्यमी सम्मेलन जिल्लाको चौतारामा २०७६ फागुन २५ गते सम्पन्न भएको छ । अधिवेशनबाट नवनिर्वाचित अध्यक्ष उषा तामाङ लगायतका पदाधिकारीहरु २५ सदस्यीय कार्यसमिति चयन भएको छ भने महिला उद्यमी सम्मेलन मार्फत नवनिर्वाचित महिला उद्यमी समिति अध्यक्ष गिता भट्टराईको नेतृत्वमा १७ सदस्यीय समिति चयन भएको छ । सम्मेलनमा जिल्लाका
१२ वटै पालिकाका लघु घरेलु तथा साना उद्यमी प्रतिनिधिहरुको सहभागीता रहेको थियो भने प्रमुख अतिथिको रुपमा केन्द्रिय महिला उद्यमी समितिका वरिष्ठ उपाध्यक्ष रोशनी उपाध्याय तथा विशिष्ट अतिथि नेपाल घरेलु तथा साना उद्योग महासंघ बागमति प्रदेश सदस्य सनिस लगेजु र काभ्रे संघका सदस्य चन्दा श्रेष्ठको उपस्थिति रहेको थियो । सम्मेलनमा जिल्लाका लघु, घरेलु तथा साना उद्योग विकास, विस्तार र प्रवद्र्धन गरी जिल्ला लगायत राष्ट्रको आर्थिक विकासमा टेवा पु¥याउन जिल्लामा संचालित यस्ता उद्योगहरुको समस्या निराकरणका लागि सम्पूर्ण उद्यमी संगठित भई लाग्नुपर्ने र
महासंघले यसको नेतृत्वदायी भुमिका निर्वाह गरी सम्पूर्ण उद्यमीहरुको हितमा सदैव अग्रसर रहने प्रतिवद्धता नवनिर्वाचित अध्यक्षद्धारा भएको थियो । जिल्लामा छरिएर रहेको उद्योगीहरु सशक्त रुपमा संगठित भई अघि बढ्न जिल्लाका १२ वटै पालिकाहरुमा पालिका संघ गठन गर्ने निर्णय भएको थियो । सभाको अध्यक्षता महासंघ पूर्व अध्यक्ष नारायण वि.क.ले गर्नुभएको थियो ।
