सरकारले चीनबाट ल्यायो ११ प्रकारका २ लाख ८५ हजार स्वास्थ्य सामग्री


सरकारले चीनबाट खरिद गरेका ११ प्रकारका स्वास्थ्य सामग्री नेपाल आइपुगेका छन् । स्वास्थ्य मन्त्रालयका अनुसार आइतबार पहिलो चरणमा सामग्रीहरू ल्याइएको हो ।

सरकारले चीनबाट ल्याएका स्वास्थ्य सामाग्रीहरुमा गगल्स प्रोटेक्टिभ(बिरामीको स्वास्थ्य परीक्षण गर्दा आखाको सुरक्षाको लागि ५ हजार थान रहेका छन् । क्लोरिन एनएडिसीसीलगायत ४ हजार, सुरक्षित खालको गाउन १० हजार, परीक्षण गर्दा लगाउने पञ्जा १ लाख जोडी छन् । त्यस्तै रेस्पिरेटर मास्कलगायत ५० हजार, इन्फ्रारेड थर्मो्िमटर (नछोइकन ज्वरो नाप्न मिल्ने)१ हजार वटा, प्रोटेबल पिसिआर ५ वटा, प्रोटेबल पिसिआर रियाजेन्ट किट(कम्बो) २० हजार वटा, विभिन्न खालका पिसिआर रियाजेन्ट १० हजार रहेका छन् । यस्तै भिटियाम १० हजार र कोभिड(१९ पत्ता लगाउने किट ७५ हजार थान रहेका छन्। यी सबै सामग्री नेपाल सरकारले आफैंले किनेको हो भने चीनको सिचुवान प्रान्त, नेपालस्थित चिनियाँ दूतावास, ज्याक मा फाउन्डेसनले पनि अनुदानमा नेपाललाई कोरोनाको परीक्षण र उपचारमा प्रयोग हुने सामग्री दिएका छन् । सिचुवान प्रान्त र चिनियाँ राजदूतावासले दुई हजार थान एन ९५ मास्क र २४ हजार थान डिस्पोजल सर्जिकल मास्क, २० हजार थान डिस्पोजल मास्क, ५०० थान प्रोटेक्टिभ गगल्स, नन कन्ट्याक्ट इफ्रारेड थर्मो्िमटर १०० थान, इयर थर्मो्िमटर १०० थान, क्लोरिन फोस्फेट ट्याब्लेट ४ सय बक्स, प्रोटेक्टिभ क्लोथिङ ५३० थान,पोर्टेवल भेन्टिलेटर १ थान दिएको छ। सिचुवान प्रान्त र चिनियाँ राजदूतावासले १.१ टन मेडिकल सामग्री दिएको छ । चिनियाँ सरकार र ज्याक मा फाउन्डेसनले दिएको सामग्री नेपाल सरकारलाई प्राप्त भएको स्वास्थ्य मन्त्रालयका प्रमुख विशेषज्ञ रोशन पोखरेलले जानकारी दिनुभएको छ । चीनबाट नेपाल आइपुगेका ३५ टन सामग्रीमध्ये केही सामग्री चिनियाँ सरकारको अनुदान र ज्याक मा फाउन्डेसनले सहयोग गरेका सामग्री पनि रहेको उहाँको भनाइ रहेको छ ।

, , , ,