सांसद तामाङद्वारा रणनीतिक सडक प्रस्ताव

चौतारा, असार ७ । 
सिन्धुपाल्चोक जिल्ला संघीय निर्बाचन क्षेत्र नं २ का सांसद एबम पुर्ब कानुन मन्त्री शेर बहादुर तामाङले आफ्नो निर्बाचन क्षेत्रको “रणनैतिक सडक“ छनौट गर्नु भएको छ ।
 जस अनुसार उक्त सडक भदौरेबाट सुरु भै सिन्धु धुसिनी,कटुन्जे,मेलम्ची ,नवलपुर ,चौतारा हुँदै निर्बाचन क्षेत्र नम्बर १ को नौबिसे पुगेर टुंगिने मा.तामाङका स्वकीय सचिब निर्मल बन्जाराले जानकारी गराउनु दिनुभएको छ ।
देश भरिका १६५ निर्बाचन क्षेत्रका संघीय सांसदद्वारा छनौट गरिएका प्रत्येक रणनैतिक सडकहरुका लागि आ.ब.२०७७र७८ मा रु.२ करोडका दरले रकम बिनियोजित गरिएको छ । त्यसै गरि सहायक राजमार्ग अन्तर्गत सांखु देखि फट्केस्वर हुँदै बाहुनिपाटी सम्मको लागि आगामी बर्षका लागि रु.२० करोड बिनियोजन गरिएको छ ।
पुर्ब प्रधानमन्त्री माधब कुमार नेपालको नेतृत्वमा शेर बहादुर तामाङ, मेलम्ची नगरपालिकाका मेयर डम्बर अर्याल ,संखरापुर नगरपालिकाका मेयर सुबर्ण श्रेष्ठ लगायतका अन्य सरोकारवालाहरुको निरन्तर पहलका कारण रकम बिनियोजन गर्न सम्भब भएको हो ।

, , , ,