बाढी पहिरो पीडिलाई राप्रपाको ७ लाख बराबरको राहत

अर्जुन शर्मा, चौतारा । 
बिहिबार सिन्धुपाल्चोक जिल्लको बिभिन्न क्षेत्रमा आएको बाढी पहिरोले क्षति पुर्याएका पीडित परिवारलाई राष्ट्रिय प्रजातन्त्र पार्टीले सहयोग गरेको छ । 
राष्ट्रिय प्रजातन्त्र पार्टीका केन्द्रीय अध्यक्ष पशुपति शमशेर राणाको नेतृत्वमा आएको टोलिले जिल्लाको बाह्रबिसे नगरपालिका, भोटेकोशी तथा जुगल गाउँपालिकाका पिडित र विस्तापित परिवारहरूलाई  ६ लाख ७५ हजार बराबरको राहत सहयोग उपलब्ध गराएको हो । राप्रपाले एक कार्यक्रमबीच पिडितहरुलाई राहत स्वरुप रकम, खाद्यान्न र लत्ताकपडा वितरण गरेको हो । राहत बितरण कार्यक्रममा राप्रापा केन्द्रिय सदस्य बाबुराम खड्क , केन्द्रिय सदस्य यसमिन ढुंगाना महिला संगठन की महासचिव श्री कुमारी तामाङ ,जिल्ला अध्यक्ष गोपाल श्रेष्ठ उपाध्यक्ष नारण जंग पाण्डे र १ नं क्षेत्रीय कार्यसमिति लगाएतका शुभचिन्तकहरूको उपस्थिति रहेको थियो । 
यसैबिच राष्ट्रिय प्रजातन्त्र पार्टीले सम्वर्धदनवादी राजनीतिक दलहरुको छाता संगठन “इन्टरनेशनल डेमोक्राटिक युनियन” को सदस्यता प्राप्त गरेको छ । युनियन कार्य समितिको भर्चुअल बैठकले सदस्यता दिने निर्णय गरेको हो । क्यानडाका पूर्व प्रधानमन्त्री स्टेफन हार्परको अध्यक्षतामा बसेको बैठकमा राप्रपालाई सदस्यता दिने प्रस्ताव अष्ट्रेलियाका सत्तारुढ दल लिवरल पार्टी अफ अष्ट्रेलियाले गरेको थियो भने माल्दिभ्सका पूर्व राष्ट्रपति मोहम्मद नसिरले स्वागत र समर्थन गर्नुभएको थियो । नसिरले दक्षिण एशियाली मुलुकबाट थप सदस्य भएकोमा खुसी समेत व्यक्त गर्नुभएको थियो । 
विश्वका ७६ कन्जरभेटिभ राजनीतिक दलका प्रतिनिधिहरुको सहभागिता रहेको बैठकमा राप्रपा अध्यक्ष कमल थापा सहभागी हुनुहुन्थ्यो । बैठकमा बोल्दै अध्यक्ष थापाले संसारका सवै मुलुकहरुको आर्थिक विकास, शान्ति र स्वतन्त्रतामा विश्वास राख्दै प्रजातन्त्र, स्वतन्त्रता र मानव अधिकारका क्षेत्रमा थप चुनौतिहरु देखा परेको चर्चा सहित सम्बद्र्धनवादी पार्टीहरुको एकता र सहकार्यको आवश्यकता झन् बढेर गएको बताउनुभयो । थापाले उदाउँदो प्रजातन्त्रलाई सहयोग गर्दै थप मजबुत र सुदृढ तुल्याउन आईडियुको भूमिका महत्वपूर्ण हुने विश्वास व्यक्त गरे । युनियनको मुल्य, मान्यताप्रति राप्रपा प्रतिवद्ध रहेको भन्दै थापाले विश्वासका साथ सदस्यता प्रदान गरि सहकार्यको निम्ति अवसर प्रदान गरेकोमा युनियन र सम्बद्ध सवैलाई आभार समेत व्यक्त गर्नुभयो ।
संयुक्त राज्य अमेरिकाको वासिङ्गन डिसिमा आयोजना हुने बैठक कोभिड–१९ का कारण भर्चुअल बैठक गरिएको हो । बैठकले नेपाल सहित युक्रेन, स्वीडेन, अल्वानिया र नाइजेरियाका राजनीतिक दललाई सदस्यता प्रदान गरेको हो । युनियनको आगामी अन्तराष्ट्रिय सम्मेलनले यो निर्णयको अनुमोदन गर्दै राप्रपालाई पूर्ण सदस्यता प्राप्त हुने पार्टीका नेता राजाराम बर्तौलाले जानकारी दिनुभयो ।

, , , ,