घनश्याम नेपाल । 

मेरो यो मनको छ मर्म कसरी देखाऊँ साम्ने महाँ 

पीडा भो अति नै छ डाहा मनमा भागेर जाऊँ कहाँ 

संसारैभरमा छ फैलि गयको ठाउँ छ खालि कहाँ 

देख्दैमा डर लाग्छ जाउँ कसरी एक्लै छु छाप्रो महाँ 

हावाको गतिमा छ प्राण अहिले भाकेर देउताहरु 

प्रार्थना गरिछु यसै चरणमा रोयर बोले अरु 

मेरा मानिसका दया र करणा ज्यादा छ मुटु महाँ 

माया हो सबथोक देख्छु महिले प्यारो छ ठाउँ यहाँ 

विस्तारै ठीक हुन्छ हे मनुज हो हाँसेर बोल्छु म ता 

तिम्रै साथमहा नजीक बसिछू जाऊँ म टाढा कता 

हे मेरा जन हो नआत्ति बसनू औंशी परेको दिन 

पुर्णिमा दिनको छ साइत अबै गन्दैछु औंला दिन 

यस्नै हव जगतै छ फैलि गयको रासा भीमीमा छ यो 

मेरो देशमहाँ छ देवी भुमिमा पाइन्न त्यस्तो अहो